16 noyabr 2022-ci il tarixində “Baku Marriott Boulevard” oteldə ölkəmizin aparıcı şirkətlərinin dəstəyi və iştirakı ilə III Maliyyə və İnvestisiya Forumu 2022 (FIF2022) “Gələcək üçün Yenilən” devizi ilə keçirilib.

 Azərbaycanın Maliyyə və İnvestisiya sahəsində ilk forumu olan “Finance and İnvestment Forum” (FIF) öncəki illərdə (2017 və 2018) də keçirilmiş və əsas məqsədi Azərbaycanın maliyyə bazarının mövcud vəziyyətinin təhlili, bu sahədə olan çatışmazlıqlar, onların aradan qaldırılması istiqamətləri və dünyada tətbiq edilən qabaqcıl təcrübələr haqqında təfərrüatlı məlumat mübadiləsi, habelə maliyyə və vergi maarifləndirməsi sahəsində dövlətin həyata keçirdiyi genişmiqyaslı tədbirlərə dəstək olmaqdan ibarət olmuşdur.

23-26 iyun tarixlərində UNEC Beynəlxalq Magistratura və Doktorantura Mərkəzinin təşkilatçılığı, PAŞA Holdinq Şirkətlər qrupunun baş sponsorluğu, Fil Agency-nin təşkilati dəstəyi və kreativ tərəfdaşlığı, Facemark MMC-nin təşkilati dəstəyi ilə IV İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı keçirilib.

22-25 iyun 2023-cü il tarixində Heydər Əliyev Mərkəzində keçiriləcəkdir.

1-3 dekabr 2021-ci ildə UNEC İQTİSADİ FORUMU keçirilmişdir.

5 panel üzrə 30-dək, o cümlədən 20-yə qədər nüfuzlu xarici spikerlərin çıxış etdiyi Forumun ana devizi “Zəfər Yolu”dur. Eyni zamanda Nobel mükafatı laureatları, dünyanın tanınmış iqtisadçıları ilə xüsusi müzakirələr və gənc alimlərin və Beynəlxalq Elm Olimpiadaların qalibi olan şagirdlərin görüşləri, yeni kitabların təqdimatları, sərgilər və başqa maraqlı tədbirlər həyata keçirilib.

Ölkəmizdə ilk dəfə Bakı Su İnnovasiya Forumu (Water İnnovation Forum Baku) 17 may 2022-ci il tarixində Baku Marriott Hotel Boulevard-da keçirilmişdir. Bakı Su İnnovasiya Forumu (Water İnnovation Forum Baku) sudan səmərəli istifadə,  bu sahədə optimal  həll yolları və mütərəqqi texnologiyalardan istifadə, çirkab (tullantı) suların idarəedilməsi, təkrar emalı və ətraf mühitə təsirləri, suyun keyfiyyətinin idarəedilməsi, ölçü və nəzarət texnologiyaları mövzularına həsr edilmişdir. 

30-31 may 2023-cü il tarixində II dəfə keçiriləcəkdir.

Azərbaycanın ilk onlayn HR forumu olan "HR Agenda" 2020-ci ildə "Business Management School" MMC tərəfindən təsis edilmişdir. 3-cüsü 10-11 dekabr 2022-ci il tarixində Business Management School, HR Option və Facemark MMC-nin təşkilatçılığı ilə baş tutan HR Agenda`22-də yerli və əcnəbi olmaqla yüksək statuslu şirkətlərin İnsan resursları idarəçiliyi üzrə rəhbərlərinin və CEO-larının çıxışları ilə keçirilib.

Ölkəmizin biznes sahəsindəki ən iri həcmli və davamlı, eyni zamanda marketinq sahəsinin ilk forumu olan Milli Marketinq Forumu 2013-cü ildən etibarən keçirilməkdədir. 

7 paneldən ibarət olan və 2 gün davam edən 8-ci Milli Marketinq Forumu 300-dən çox şirkətdən 500-dən çox mütəxəssis və rəhbərin iştirakı ilə 10-11 iyun tarixlərində Bakı Bulvar Marriott oteldə keçirilib.

Milli İnsan Resursları Forumunun qarşıya qoyduğu əsas hədəfi insan resursları idarəçiliyi üzrə peşəkar spikerlərin çıxışı və yaradılacaq müzakirə mühiti ilə bu mövzunu gündəmə gətirmək, əsas səbəbləri təhlil edərək həll yolları üzərində fikir mübadiləsi aparmaqdır. 

2015-ci ildən etibarən təşkil olunan MİRF - Milli İnsan Resursları Forumu bu il "Gələcəyə dəyər" şüarı ilə 6 may 2023-cü tarixində VI dəfə keçiriləcəkdir.

Rəqəmsal Marketinq Konfransı Facemark MMC - media və biznes tədbir təşkilaçısı şirkəti tərəfindən keçirilir.

Tədbirin məqsədi rəqəmsal marketinq sahəsinin inkişafına dəstək olmaqdır. Hər il davamlı olaraq keçiriləcək tədbirdə yerli və xarici mütəxəssislər rəqəmsal marketinq keyslərini müzakirə edəcəklər. 2015-ci ildən etibarən illik ənənəvi olaraq keçirilən konfrans 2023-ci ildə 6-cı dəfə keçiriləcəkdir. 

“Rəqəmlərin ritmi” şüarı ilə 11 mart 2023-ci il tarixində “Baku Marriott Hotel Boulevard”da 600 nəfərin iştirakı ilə Vergi və Mühasibatlıq Zirvəsi keçirilib.

“Facemark” MMC və “Good Finance” MMC-nin təşkilatçılığı, “Meqa Həyat Sığorta” ASC-nin baş sponsorluğu, “Business Management School” MMC, “Başkent” restoranlar şəbəkəsi, “Unilegal Consulting” şirkətinin, “Balli Bisi” şirniyyat evi və  "Pro Team Consulting & Outsourcing" şirkətinin, SİMA rəqəmsal imzanın şirkətinin dəstəyilə 600 nəfərədək şirkət nümayəndələrinin iştirakı ilə baş tutan zirvə ölkəmizdə vergi və mühasibatlıq sahəsinin inkişafına dəstəyi və sahə üzrə yerli kadrların daha da təkmilləşdirilməsini həyata keçirib.